सरकारलाई साझा पार्टीको प्रश्न– डा. केसीलाई मार्नै खोजेको हो ?

समाचार

१९ असोज, काठमाडौं । अनशनरत डा. गोविन्द केसीको स्वास्थ्यप्रति सरकारले क्रुर असंवेदनशीलता प्रकट गरेको आरोप साझा पार्टीले लगाएको छ । सरकारी वेवास्ताले डा. केसीको ज्यान जोखिममा परे त्यसको मूल्य सरकारलाई भारी पर्ने चेतावनी समेत साझा पार्टीले दिएको छ ।

साझा पार्टीले सोमबार जारी गरेको प्रेस विज्ञप्तिमा भनिएको छ, ‘यसपटक अक्सिजन लिनुपर्ने अवस्थामा पुगिसक्दा समेत सरकारले क्रुर असंवेदनशीलता प्रकट गरिरहेको छ र वार्ता टोलीसम्म गठन गरेको छैन । ‘कुचोले बढार्नु पर्ने कसिंगर, हावाले उडाएर लैजाओस्’ भने झैँ रवैया प्रस्तुत गरिरहेको छ । के सरकारले डा. केसीलाई मार्नै खोजेको हो ?’

Leave a Reply

Your email address will not be published. Required fields are marked *