अमेरिकी सर्वोच्च अदालतको न्यायाधीशका लागि ब्यारेटको सुनुवाइ सुरू

समाचार

एजेन्सी- अमेरकी सर्वोच्च अदालतको न्यायाधीश प्रस्ताव गरिएको एम्मी कोनी ब्यारेटको सुनुवाइ सुरु भएको छ ।
सिनेटमा सुनुवाईको सुरुवात आफ्नो सुरुवाति वक्तव्य राख्ने क्रममा न्यायाधीश ब्यारेटले राष्ट्रपतिबाट सर्वोच्चका लागि प्रस्ताव हुनु आफ्ना लागि सम्मान भएको बताइन् ।

उनले निष्पक्ष रुपमा कानूनको सेवा गर्ने पनि बताएकी छन् । ‘म न्यायाधीश रुथ बेडर गिन्सबर्गको सिट पूरा गर्न मनोनित भएकी छु, तर कसैले कहिल्यै पनि उनको ठाउँ लिन सक्ने छैन । म जहिले पनि उनले बनाएको मार्ग र उनले निर्देशिक गरेको जीवनका लागि आभारी रहने छु, न्यायाधीश ब्यारेटले भनिन् ।
व्यारेटलाई पूर्वन्यायाधीश रूथ बडर जिनसबर्गको स्थानमा ल्याउन राष्ट्रपति डोनाल्ड ट्रम्पले निर्वाचनको सङ्घारमा निकै जोड गरेका छन् ।

रिपब्लिकन पार्टीको बहुमत रहेको अमेरिकी सेनेटले सर्वोच्च अदालतमा पुनरावेदनकी ४८ वर्षीय न्यायाधीश ब्यारेटलाई ल्याएर न्यायलयमा रिपब्लिकनको पकडलाई बलियो बनाउन चाहेको देखिन्छ ।
सिनेटको न्यायपालिका समितिको बैठकले कोरोनाभाइरस महामारीको कारण छोट्याएर चार दिने सुनुवाई सुरू गरेको हो ।
सुनुवाईका लागि केही सिनेटरहरु टाढाबाट सहभागिता जनाएका छन् । सुनुवाईको लागि महामारीबीच सार्वजनिक स्वास्थ्य चिन्ताहरुलाई ध्यानमा राखेर छलफल थालिएको छ ।

सिनेटर लिन्डसे ग्राहमले सुनुवाईको सुरुवातमै अमेरिकामा कोभिड–१९ को सङ्क्रमण वास्तविकरूपमा नै जटिल बनेको भन्दै सुरक्षित रूपले अघि बढ्नुपर्ने बताएका छन् ।
सुनुवाईका लागि जम्मा भएका १०० सिनेटरमध्ये लगभग सबैले मुखमा मास्क पहिरिएका छन् ।
समितिका दुई सिनेटरलाई कोरोनाभाइरस सङ्क्रमण पुष्टि भएपछि सुनुवाई प्रकिया छोट्याइएको हो । सेन माइक ली र आर उताहलाई कोभिड सङ्क्रमण पुष्टि भएको छ ।
उनीहरू सोमबार सुनुवाईमा सहभागी भएपछि उनीहरूका प्रवक्ताले लक्षण मुक्त भएको बताएका छन् ।

 

Leave a Reply

Your email address will not be published. Required fields are marked *