रोनाल्डो र एम्बाप्पेले गोल गर्न नसक्दा फ्रान्स र पोर्चुगलको बराबरी

समाचार

एजेन्सी- स्टार खेलाडीद्वय रोनाल्डो र एम्बाप्पेले गोल गर्न नसक्दा यूईएफए नेसन्स लिगमा फ्रान्स र पोर्चुगलले बराबरी खेल्दै अंक बाँडेका छन् ।
आइतबार राति फ्रान्सको पेरिसमा दुवै टिमले गोल रहित बराबरी खेल्दै अंक बाँडेका हुन् ।

केलियन एम्बाप्पे र क्रिस्टियानो रोनाल्डो गोल गर्न असफल रहेको खेलमा विश्वकप विजेता र यूरो कप विजेताले बराबरीमा चित्त बुझाए ।
३५ वर्षिय यूभेन्ट्सका फरवार्ड रोनाल्डो १ सय १ अन्तर्राष्ट्रिय गोलमा यथावत रहे । पोर्चुगल फ्रान्सेली मैदानमा सन् २०१६ को युरोकपको जित दोहोर्‍याउन सकेन ।
२१ वर्षीय एम्बाप्पले केही राम्रा प्रयास गरे पनि उल्भ्सका गोलकिपर रुइ पेट्रिकियोले उनको प्रहार रोकेका थिए ।
बराबरीपछि दुवै टिमको समान ७ अंक छ ।

Leave a Reply

Your email address will not be published. Required fields are marked *