बिहेपछि चियाबारीमा अन्त रंग त स्बिर खि चाउँदा नयाँ जोडी माथि भयो यस्तो घटना

समाचार

एक भारतीय जोडीले बिहे गरेपछि खिचाएका आत्मीय तस्बिरहरू सामाजिक सञ्जालमा भाइरल भएका थिए, त्यसपछि सामाजिक सञ्जालमा त्यसको तीब्र आलोचना (ट्रोल) गरिएको थियो।

तस्बिरहरूमा लक्ष्मी र हृषी कार्थिक सेतो सिल्कको ओढ्नेमा बेरिएर घना चियाबारीमा हाँस्दै, अँगालो मार्दै र एक अर्कासँग लुकामारी खेलेको देखिन्छ।

गत सेप्टेम्बरमा सानो समारोह गरेर बिहे गरेको यो जोडीले आफ्नो सामान्य बनाउनुपरेको बिहेको बदलामा फोटोशूट गरेर त्यसलाई ‘स्मरणीय’ बनाउन चाहन्थे।**भिडियो हेर्न तल क्लिक गर्नुहोला **

आफ्नो गृहनगर केरलामा रहेकी लक्ष्मीले फोनबाट बीबीसीसँग भनिन्, ‘हाम्रो मागी तथा प्रेम विवाह हो।’

‘हाम्रा परिवारले हामीलाई परिचय गराइदिएपछि हामीले एक अर्कालाई प्रेम गर्न थाल्यौँ,’ उनले भनिन्।

हृषी टेलिकम कम्पनीमा काम गर्छन् र लक्ष्मीले इलेक्ट्रिकल र इलेक्ट्रोनिक इन्जिनियरिङ डिग्री भर्खर सकेकी छन्।

एप्रिलमा शानदार बिहे गर्ने यो जोडीको योजना महामारीले तु’हा’इदिएको थियो। मार्चको अन्त्यतिर भारतमा कडा लकडाउन लगाइयो र कोरोनाभाइरस फैलिनबाट रोक्न सबै खाले जमघटमा प्रतिबन्ध लगाइयो।

प्रतिबन्ध खुकुलो हुँदै जाँदा बिहेका स(साना जमघट गर्न अनुमति दिइयो। त्यसैकारण हृषी र लक्ष्मीले सेप्टेम्बरमा एउटा मन्दिरमा गएर बिहे गरे।

‘बिहे समारोह रमाइलो थियो तर त्यसमा हाम्रा परिवारका सदस्य र नजिकका साथीमात्र सहभागी थिए। प्रहरीले हामीलाई ५० जना पाहुनाको लागि मात्र अनुमति दिएको थियो।’

शानदार बिहे गर्न नपाएको बदलामा उनीहरूले स्मरणीय फोटोशूट गर्ने निर्णय गरे। केरला र भारतका अरू भागमा पनि धेरै जोडीले आफ्नो बिहेबारे अरूलाई जानकारी दिन पनि परम्परागत फोटोशूटको ब द ला विशेष फोटोशूट गर्ने चलन चल्न थालेको छ।

हृषी बिहेपछिको फोटोशूट ‘रोमान्टिक र आत्मीय’ बनाउन चाहन्थे। उनले इन्टरनेटमा अध्ययन गरेपछि चियाबारीमा फोटोशूट गर्ने विचार अगाडि सारे।

उनका फोटोग्राफर साथी अखिल कार्थिकेयनले त्यस किसिमको फोटोशूट सम्पन्न गर्न केही घण्टा मात्रै लाग्ने बताए। उनीहरूले होटलको ओढ्ने केही समयका लागि मागे र फोटो खिचाए।

लक्ष्मीले भनिन्, ‘कस्तो रमाइलो भएको थियो। हामी साँचिकै उत्साहित थियौँ र त्यो हाम्रो हनीमूनको एउटा अंश थियो।’

त्यसले अरूलाई यति धेरै समस्या दिन्छ भन्ने आफूहरूलाई अनुमानै नभएको उनीहरूले बताए। जब अखिलले केही दिनपछि ती तस्बिरहरू फेसबुकमा अपलोड गरे अनि समस्या शुरू भयो।

‘मानिसहरूले हामीलाई न’ग्न’ता प्रदर्शन गरेको भने, हामीले ओढ्नेभित्र लुगा लगाएका छौँ कि छैनौँ भने र हामीले त्यस्ता तस्बिर अरूको ध्यान आकर्षण गर्न र प्रचारका लागि गरेको भने।’ धेरैजसो दु’र्व’च’नहरू आफूप्रति लक्षित रहेको लक्ष्मी बताउँछिन्।

उनी भन्छिन् ‘त्यो मेराप्रति असाध्यै नराम्रो थियो। मेरा श्रीमान् भन्दा बढी मप्रति दु र्व्य व हार लक्षित थियो। उनीहरूले मलाई पो र्न फिल्ममा खेल्न भनेका थिए।’

ट्रोल गर्नेहरूमा महिलाहरू पनि थुप्रै थिए। उनीहरूले मेरा पहिलेका मेक अप नगरेका फोटोहरू फेला पारे र म तिनमा कति नराम्री देखिएकी छु भन्ने टिप्पणी गरे।

तर केही दिनपछि मानिसहरूले ट्रोल गर्नेहरूविरुद्ध बोल्न थाले र कार्थिकहरूप्रति समर्थन व्यक्त गरे। कैयौँले फोटाहरू असाध्यै सुन्दर र अद्भूत भएको लेखे। ट्रोल गर्नेहरूलाई वास्ता नगर्न सुझाव पनि दिए।

एक महिलाले कुनैबेला विवाहित जोडीले हात समातेर हिँड्दा पनि बे’इ’ज्जत गरिन्थ्यो भन्दै उनले कार्थिकहरूलाई ट्रोलको बेवास्ता गर्न र खुशी रहन भनिन्।

Leave a Reply

Your email address will not be published. Required fields are marked *